اكرهيني

اكرهيني

وفي الأخر نلوم عالدنيا ونلوم عالبشر شاطرين في الجراح وقلوبنا بقت زي الحجر
ويعيش اللي مات احساسه ويموت اللي يوفي لناسه ملعون اي حب اساسه
شغف كدب وألم وخيانه
انت اللي صح مش هلومك صدقيني دوسي أوي على كل شيء بينك وبيني
بيعي قلبي .. خوني حبي .. اكرهيني..
انا اللي رضيت غرورك اديتلك دور مش دورك وعملتك من مفيش
عديتلك فوق جروحي وبنتلك بيت في روحي كان نفسي البيت يعيش
لملمت جراح كتيرة وعملت حاجات كتيرة كان بعدك لا مليش
كان ممكن مات هوانا مليون فرصة خيانة لكني ما خنتكيش
وادي جزاء القلب الطيب بعد ما داوا وبعد ما طيب بعد ما طلعك السما بتنزليه
دايسه على جراحه ولا همك موج الغدر بيجري بدمك
ايه يعني قلبي لو ترمى ودستي عليه
ما انا اللي وفيت زيادة ايام وسنين سعادة كنت بسامح كتير
كان قلبي اسير عذابك ومجرحكيش وسابك فاكر قلبك كبير
ايام وسنين طويلة ما اخترتش يوم بديلة جاهل بحب بضمير
وادي الاحلام وباينة وادي اللي حاببها خاينة
وادي نهاية المصير
وادي جزاء القلب الطيب بعد ما داوا وبعد ما طيب قلبي اللي عاشلك دنيته بتجرحيه
دايسه على جراحه ولا همك موج الغدر بيجري بدمك
جرحك في قلبي حسكته واقدر عليه
شكرا يا عذاب عذابي انا لازم اعيد حسابي جرحك ما يهزنيش
شكرا يا مرار سنيني شكرا عشان ادتيني درس ما يتنسيش
ان اللي يعيش لناسه تبقى الاحلام اساسه في زمانا حرام يعيش
وادي جرح كمان بلاقيه ما انا لو حبيت بعقلي كان قلي دي متساويش
وادي جزاء القلب الطيب بعد ما داوا وبعد ما طيب بعد ما خاف على حبنا بتموتيه
دايسه على جراحه ولا همك موج الغدر بيجري بدمك بيني وبينك ربنا حقولك ايه