عايز تبقى كازانوفا تعاالى واقفل الباب وراك

عايز تبقى كازانوفا
تعالى وانا اقولك ازاى تعملها دى
بص ياسيدى
اليوم يوم طبيعى خاااااالص
كلمت حبيبتك زى العاده اول ماصحيت من النوم
احلى صوت فى الدنيا
صباح الفل ياحبيبى
صباح النور ياعمرى
وحشتينى قوى من امبارح للنهارده
ياه ياحبيبى انت لحقت دانا لسه قافله معاك الساعه 3
بارضه وحشتينى انتى ماتعرفيش يابت انا بحبك قد ايه؟؟
دانا طول الليل صورتك فى ايدى
وفى احلامى معايا
اهو يعنى ياباشا شويه اشتغالات من اللى بتثبتها بيهم كل يوم الصبح انا يعنى هاقولك
مانت فاهم كل حاجه
بس ايه اللى صحاك بدرى كدا ياحبيبى
اصلى رايح مشوار مهم ياحبيبتى ادعيلى ربنا يوفقنى فيه
يااااااااااااارب
ــــــــــــــــــــــــــــــــــــــــــــــــ
خلاص ياباشا صبحت ومسيت وثبتها علشان تضمن انها تفضل معاك؟؟؟
قشطه ياباشيه
قوم من سريرك وعالحمام عدل ..انزل تحت الدش والمايه زى ماتنزل استحمى بيها.
وماتقوليش المايه ساقعه تلج
خليك راجل امااااااااال
عايزاحس انى باتكلم مع راااااااجل مش سوسن
خلاص يامعلم خدت الدش(الساقع)
ميه ميه
نقى بقى احسن طقم عندك وابعد عن اى لبس الست الوالده قالتلك عليه حلو مع احترامى لزوقها طبعا بس انت رايح تعلق لولو ..بنت من جيل 2008 مش ست ابوها
ــــــــــــــــــــــــــــــــــــــــ
ها لبست هدومك ؟؟؟؟
شعرك بقى عايزك تسرحه تسريحه تمام وابعد عن استخدام كل الكريمات والجل اللى بتستعمله
فيه حاجه اسمها فازلين كنت باستعملها وانا فى ثانوى وبصراحه اثبتت تاثير هايل عالبنات
ومش غالى بنص جنيه من عند العطار
حطه على شعرك وكتر منه ماتخافش دا مش مضر بالصحه وممكن تدهن منه وشك كمان لو وشك مشقق من البرد
خلاص سرحت؟؟؟؟؟
وظبطت شعرك اصل الشعر دا مهم جدا جدا؟؟؟؟
البس كاب بقى يامعلم
اسمع الكلام من غير ماتنرفز نفسك انا عارف انا بقول ايه
ـــــــــــــــــــــــــــ
الحزام فى وسطك مرسوم عليه راقصه باليه رمز الرومانسيه
ابعد عن اللى مرسوم عليه التعبان رمز الرعب
ــــــــــــــــــــــ
موبايلك فى جيبك فيه مالا يقل عن 2.5 جنيه رصيد يعنى مايكفى لمكالمه واحده وبعض الرنات
لزوم المنظره يعنى
خلاص ياباشا جاهز
انزل بقى
ــــــــــــــــــ
رايح الكليه رايح المدرسه رايح شغلك رايح تستهبل
مش مشكله المهم انك ماشى وخلاص فى اى شارع يكون بيمشى فيه بنات حلوه
ـــــــــــــــــــــ
بص بقى ياحج
لمحت بنت حلوه ماشيه لوحدها عجبتك
يعنى جمالها دلالها ماشيتها
الحجات الهايفه بتاعتنا دى
روح عليها وطول مانت رايحلها عينك عليها ماتنزلش فى طريقك ليها هاتبص فى عنيك انت كمان ابتسملها وهيا عنيها فى عنيك بسرعه خلص مافيش وقت قبل ماتنزل عنيها خليك مركز كمان هااا كمان اكتر
وهبااااااااااااااااااا نزلت عنيها
مافيش مشكله المهم انها شافت الابتسامه رايحالها فى عيونك
وهيا على كل حال نزلت عنيها تمثيل يعنى قال ايه مكسوفه
روح عليها يامعلم وغير اتجاهك وامشى وراها
استنى
امشى بزاويه كدا مش وراها مباشره اصل البنت ممكن تكون حلوه قوى وانت ياعينى اعصابك خفيفه على قدك ماتستاحملشى المنظر من الزوايا الخلفيه تودى نفسك فى داهيه
احنا مش عايزين اى احتمالات للخطا
خلينا ماشين سليم لاخر المشوار
اتكلم بقى ياسطى
قول اى حاجه كلام حلو يعنى من اللى لسه قايله للبت بتاعتك الصبح
ايه الجمال داه انا بصراحه اول مره اشوف بنت بالرقه والجمال دا كله ماشيه فى الشارع داه
مش هاتعبرك خلى بالك بس انت ولا يهمك شغال زى مانت عادى
هيا الانسه من البشر بارضه والا من اهل القمر
انا شاكك انك حوريه ونزلت من السما فى مهمه رسميه
جايه تخطف عقلى وقلبى وترجع تانى
ـــــــ
ياخوفى يابدران لتكون ماشى تعاكس فى امين شرطه من بتوع المنطقه وانت مش واخد بالك
انا قلتلك حلوه يعنى حلوه خالى بالك
ــــــــــــــ
طب ممكن نتعرف ممكن نطلع نعرف بعض ويكون دا من حسن حظى
مش هاترد عليك بارده
طب ممكن اعرف الانسه مرتبطه والا لا ممكن اجى اخطبك
هاتلاقيها من حسن حظك جات واقفه وقايلالك
ايوه مرتبطه وخطيبى اهوه
وعينك ماتشوف الا النور الضرب جايلك منين مش هاتعرف
عايز تجرى حتى مش قادر
وعندك اسبوع فى المستشفى فى العنايه المركزه
واسبوع فى مستشفى الامراض العصبيه تتعالج من الخضه
ـــــــــــــــــــــــــــــــــــــ
انا عارف ياشباب ان مش دايما الحكايه بتنتهى بالنهايه الماساويه دى لا بل احيانا كمان بتنتهى نهايه سعيده
البيه علق الاموره وضمها لل لسته بتاعته ... قايمه المغرمات بيه يعنى
وصوره ورقم التلفون دا اساسى
ــــــــــــــــــــــــــــ
بصو ياشباب علماء النفس قالو ان الانسان.. الغالب على طبعه الهوائيه
دايما متلهف للمذيد من كل شيئ
حتى فى دى كمان
تلاقى الشاب يقول ..امراه واحده لا تكفى
ليه احب واحده بس لما ممكن احب 3 و4 و5
واملى التلفون بارقام البنات
على اساس انه بيحبهم كلهم يعنى
مع ان مستحيل الواحد يحب 2
دا الواحد بيحب الواحده بطلوع الروح
تبقى ازاى انت هاتقدر تحب اتنين
الكلام دا للاخ اللى بيقول بحبهم وبيتكلم باسم الحب
الاخ اللى بيعترف وبيقولها بصراحه انا باتسلى
بضيع وقت يعنى
اقوله انت كدا حبيبى
تعجبنى صراحتك
وماتزعلش من صراحت
علماء النفس قالو ان سيادتك معقد ومريض نفسى
انت بتشتم ليه انا مش خبير نفسى انا بقولك هما اللى قالو مش انا
وبيقولو كمان انت لازمك علاج
ايوه اشتمهم هما انا ماليش داعوه
طبعا انا كدا طلعت نص الشباب معقد ومريض نفسى
اشمتو بقو يابنات المنتدى
وهنيالكم النص اللى فاضل
بس على فكره
البنات بارضه لهم دور كبير فى الموضوع داه
البيه اللى سيادتك هاتحبيه
حاسه انك هاتحبيه
اللى بيلف حواليكى باسم الحب
اتاكدى الاول من اخلاصه
ومش اى حد يسمعك كلمتين حلوين تسلمى على طول
مش اى حد يرمى حواليكى شباكه تقعى فيها
اتمنى يارب اشوف كل البنات هيا البنت الوحيده فى حياه حبيبها
ويالا نتبع شعار يد بيد
نلغى البنت التانيه من حياتنا
وقلولى بقى ايه رايكوا فى الكلام داه
__________________
تهتى وتاهت ملامحك بين صفحتين فى كتاب
لما جرحتى وخنتى ومليتى قلبى عذاب
دلوقتى اسف حبيبتى باقولها مش ندمان
راح اللى بينا دا جرحك يملى الف كتاب