باباكي وجوزك

موضوع: باباكي وجوزك الخميس يناير 03, 2008 2:15 am

باباكي وجوزك

- مع باباكي.. دخلتى المطبخ ما دخلتيش كله واحد وممكن باباكي يساعدك
انما جوزك.. مش بمزاجك هتدخلى هتدخلى

مع باباكي.. فى العيد يديلك العيديه وفوقها بوسه
لكن جوزك .. بيقول خلاص انتى كبرتى على الحاجات ديه

مع باباكي.. بتنامى وتصحى وقت ما انتى عاوزه
مع جوزك .. وقت ماهو عاوز او مواعيد شغله

مع باباكي.. بتشتري هدومك ومكياجك وكل اللى انتى عاوزاه ويقولك حلو اوى عليكي
مع جوزك .. بيشتري لك برضوا لكن ما قل ودل ويقولك فلووووووووووووووسي

مع باباكي.. لو حصل وكنتى زعلانه بيزعل علشانك
لكن مع جوزك .. بيزعل منك ويلومك ازاى تزعلى اصلا

مع باباكي.. كلمه حلوه ترضيه
جوزك .. طول الليل تحايلى فيه

مع باباكي.. وانتى عيانه سهران جنبك طول الليل
انما جوزك .. بيروح ينام فى الاوضه التانيه

مع باباكي.. لما تكونى فى مشكله بيسيب كل اللى وراه وبيتفرغ لمشكلتك
وجوزك .. بيجط مشكلتك اخر بند فى اجند يومه

مع باباكي.. لما تدلعى عليه بيفرح بيكي
انما جوزك .. بيقولك اكيد عاوزه حاجه

باباكي.. لما تقولى له ده حصل كذا وكذا بيهتم ويصدقك
انما جوزك .. الموضوع ده وراه انا ويشوك في كلامك

باباكي.. لو شافك بتعيطى بيمسح دمعتك
انما جوزك .. بيقولك يادى النكد

مع باباكي.. لو حاطه ميكياج فاقع شويه بيقولك الهادى عليكى احلى وانتى احلى من غير مكياج خالص ( يا حبيبي يا بابا )
لكن جوزك .. هيقولك شكلك زى عروسة المولد

مع باباكي.. لو طلبتى دوا من الصيدليه جري هينزل يجيبهولك
لكن جوزك هيسألك بكام

مع باباكي.. نفسك تخرجي مع صحباتك هايقترح عليكوا تروحوا فين ويجي يوصلك كمان
لكن جوزك .. هايقول ملوش لزوم والبيت مالوا

باباكي.. لو طلب منك كوباية ميه بيقولك لو سمحتى عاوز ميه
انما الرخم .. قومى هاتى ميه

لو باباكي نام .. وانتى لسه صاحيه وعامله شوية دوشه ما بينطقش
لكن جوزك .. صوت زعقه هيسمع الشرق الاوسط كله

باباكي.. فى كل الاحوال بيتناقش معاكي
جوزك .. مناقشتة معاكي قائمه على انه لازم يطلعك غلطانه حتى لو الموضوع مالوش علاقه بالغلط والصح

لو بتتفرجى مع باباكى على التليفزيون هايسب لك الحريه تتفرجي على اللى انتى عايزاه
لكن المحروس .. مفيش ادامك غير الاخبار يا الكوره .... يا ميلودي

باباكي .. لو نازل مشوار بيعمل ليكي اعتبار ويديكى خبر
لكن جوزك .. بيختلس عدم وجودك ادامه عشان ينزل من وراكي

باباكي .. دايما شايفك حلوه
جوزك .. مش بيشوفك حلوه الا فى الحالات النادره او اذا كنتى صاروخ وهو مضطر يعترف وفي الاغلب مش هيعترف

لو محتاجه فلوس فى حاله طارئه .. باباكي هايديكي من عنيه
لكن جوزك .. هايقولك خدي من ابوكي

لو جبتى كحكه اخر السنه وطلعتى بماده .. باباكي هيشجعك ويهدى اعصابك
لكن جوزك .. هايقولك يادى المصاريف االى مالهاش لزمه

لو مفيش فى التلاجه غير ازازة بيبسي واحده .. باباكي هايسبها لكي بنفس راضيه
لكن جوزك .. هيقولك معلش انا لازم ابلع او هيقسمها معاكي

لو غصب عنك صوتك علي على باباكي هايلومك بذوق
لكن جوزك .. هايسمعك قاموس شتايم

لو اتزحلقتى على الارض .. باباكي .. هايجري يشيلك
جوزك .. هايقعد يضحك ويقولك ماانتى اللى مش منشفه الارض كويس

لو نفسك تغيري مكان السجاده .. باباكي .. هيقولك عنك ديه تقيله عليكي
لكن جوزك .. مش ضرورى وجع القلب دا

لو عامله عزومه لاصحابك فى البيت .. باباكي .. هاينزل ويقولك خليكى براحتكم
لكن جوزك .. هيشترط مين اللى يجي او هيرفض من الاساس

باباكي .. ممكن يكتبلك حاجه باسمك او يحطلك مبلغ فى البنك
جوزك .. لالالا يمكن نفسه تطاوعه على الفعله الشنعاء ديه

لو العربيه عطلت بيكي .. باباكي .. ها يقولك اقفليها وتعالى وانا هتصرف
جوزك .. متركبيش العربيه تانى

لو باباكي شافك بتتخانقى فى الشارع مع واحد هينزل يقطعه
لكن جوزك .. هايقولك انتى قليلة الادب

لو حكيتى لباباكي على واحد عاكسك هايقولك معلش وبعدين عنده حق انتى جميله
انما جوزك هايقولك انتى اللى ماشيه مش محترمه

لو مقدمه على شغل .. باباكي .. هايوصي عليكي طوب الارض
جوزك .. مش ها يتعب نفسه ولا يهمه اصلا وهايقولك هتشتغلى وزيره

باباكي .. لو لاحظ انك متخانقه مع اختك هايصالحكوا على بعض
لكن جوزك .. هايقول خليهم يولعوا دول عيله عجب

لو عندك مشوار والبيت مفهوش غير عربيه واحده .. باباكي .. هاينزل يروح مشواره بتاكسي ويسيبلك العربيه
لكن جوزك .. هايقولمك استنى لما اخلص اللى ورايا وارجع انا وابقى خديها بعدين (طبعا يكون الميعاد طار(

مهما كان باباكي كان مضايق لايمكن تكلميه وتلاقيه مكشر
جوزك .. لو مضايق البلد كلها هتنكد عليكي

موضوع: رد: باباكي وجوزك السبت يناير 05, 2008 9:41 am