كرة قدم

حلوه ملعوبه اِبمهاره

ضربة اِستاد واِجت وسط الهدف

خط مسطره وجرة قلم

صفگ الجمهور [/b]الهه

واِنذهل منهه الحكم

حار الخصم

لا تسلل بيهه لا فاول أبد

200% هدف صح ونعم

ضربه باِتقان ومهاره وعالعموم

طبقت حچي المدرب

والمدرب اِنته دوم

الهجوم أحسن وسيله للدفاع

وزين طبقت الهجوم

تلعب اِبساحة خصومك

حارت اِوياك الخصوم

بدلوا ... واِستنفذ التبديل عدهم

لعب كل الاِحتياط

واِنته ذاك اِنته اِبهجومك

اِتزيد القاطين قاط

اِشما يبدلون اِبخططهم همه

يلگون اِبحسابك كلشي حاط

بدلوا حته المدرب

مره .. مرتين .. وثلاثه

هلبت اِيحصلون خوش

راح بوش واِجه اِكلنتن

مشه اِكلنتن ..... واِجه بوش

وخلهم اِيبدلون أكثر

باللعب هذا سياق

وحته لو جابوا مدرب

من جزائر واق واق

تبقه ذاك اِنته اِعله لعبك

فوز يالاِسمك عراق

حسين جهيد الحافظ