عسى ما زعلتك امبارح

عسى ما زعلتك البارح وزودت الجراح جراح
عسى ما مرت الدمعة على أهدابك من أسبابي
*
جرحتك من كثر شوقي و خليت الكلام رماح
ولاأدري شلون ياعمري طعنتك حيل بعتابي
*
بدون شعور صدقني ترى كثر الغلا ذباح
تعال وشوف بغيابك غلاك شلون سوا بي
*
حرام تغيب من عمري وتعطيني الفراق وشاح
حرام الدمع في عيني مناديله هي أهدابي
*
غيابك يشغل عيون الزوايا و امتلي أشباح
وانا أنثر صوتك بقلب المكان وأشعل أبوابي
*
تلفت للأمل دام الرجا في عمري الملواح
أناديلك ولو شرهة وصولك تقطع أعصابي
*
أبيك الجاي من عمري أنا ماأبيك شي وراح
مدامك أجمل وآخر مدامك أول أحبابي
*
أبي أرتاح يا عمري أنا أدري هَم تبي ترتاح
تعال و قبل ما أفرح ترى تفرح بك ثيابي
*
أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي
***

احبك يا بعد عمر الحزن والجرح والافراح
احبك كثر ما نامت عيونك داخل اهدابى

الله الله
تسلمى يالغلا
ويسلم ذوقك واحساسك

! …ఖః_…−ˉ‾‾ˉ شـ\ـرقـ\ـاااااااوي

رائع
يسلمو قلمك وتعبيرك الرائع

وشكرا وفى انتظار جديدك

مشكوووووووورة يالغالية ولا عدمناكي
يعطيكي العافيه