عسى ما ازعلتك البارح وزودت الجراح اجراح
عسى مامرت الدمعه على اهدابك من اسبابي
جرحتك من كثر شوقي وخليت الكلام رماح
ولا ادري شلون ياعمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك شلون سوابي
حرام تغيب من عمري وتعطيني الفراق وشاح
حرام الدمع في عيني مناديله هي اهدابي
غيابك يشغل عيون الزوايا وامتلي اشباح
وانا انثر صوتك بقلب المكان واشعل ابوابي
تلفت للأمل دام الرجا في عمري الملواح
اناديلك ولو شرهه وصولك تقطع اعصابي
ابيك الجاي من عمري انا مابيك شيء وراح
مدامك اجمل واخر مدامك اول احبابي
ابي ارتاح ياعمري وانا ادري هم تبي ترتاح
تعال وقبل ما افرح ترى تفرح بك ثيابي
احبك يابعد عمر الحزن والجرح والافراح
احبك كثر مانمت عيونك داخل اهدابي
وسـلامتكم ( الشـاعر : ســالم سيـار العنــزي )
موضوع: الجــراح 
الأحد نوفمبر 09, 2008 9:55 am
