عايزين نفوق با شباب مصر

ان صح تعبيرى فانا شخصيا بعتبر السياسة فى مصر مطبخ

واتفقنا هنا فى البلوج واجمعنا لدرجه انكو كرهتونى من كتر ماكررتها

ان فى مصر دايما حدث ولاحرج

يعنى تقدر تقول كوسه بقى .. اسف بلاش كوسه

لان فى بعض الشخصيات بتجيلها حساسية من الكلمه دى تحديدا

قول طبيخ ..قول مسقعه .. سلطه .. مش قادر مقولش كوسه !!

لكنه ابعد مايكون عن السياسة وحكمة اتخاذ القرار

من 100 سنه كده انتفخ حلق الزعيم مصطفى كامل وهو بيقول

لو لم اكن مصريا لوددت أن اكون مصريا

وبعده ب 100 سنه وتحديدا بعد ضربة جزاء أبوتريكه فى الكوت دى فوار

تغنت الست نانسى عجرم وهى بتتباهى وبتقول

لو سألتك انت مصرى .. تقولى ايه

انا عن نفسى هرد أقول .. إشطه يعنى أو صباح العسل

تعالى نتفرج على اى شارع مصرى دلوقتى

لأول مره الشارع المصرى يبقى فى حالة الخنقه والغضب دى

سعر الجاز لما يزيد فى اخر 6 شهور من 8 جنيه ل15 جنيه ثم 22 جنيه

وبدون اى ضوابط وبدون جهاز لمراقبة الأسعار .. حاجه تكسف فعلا

وكده انا بنادى اى حد عنده عربيه يبيعها اصله خلاص مش هيقدر يكفيها بنزين

لو كان من فئة الشعب الفقيرة اللى بتاخد حوالى 600 جنيه فى الشهر

ولو عنده عيال بقى يقعدهم فى البيت يستنوا النصيب لو كانوا بنات

او يتعلموا صنعه لو صبيان

وبلاتعليم بلادوشة دماغ ومصاريف على الفاضى

لان عمر العلم ماكان فى الكراس العلم مكانه الرأس

نقول ايه بس .. لك الله ياشعب مصر ؟؟

ولا نطلع الاسبوع الجاى نصلى على نفسنا الجمعة فى منتجع البساتين

ومع ذلك سلبيين برضه .. اهى عيشه والسلام والعيب مننا احنا

مفيش مره كده جمهور الاهلى يطلع طلعه منظمه ويقول لأ

مش هنساند حكومة بتفقرنا يوم عن التانى

ولا فالحين بس نتشطر على الحضرى ونخونه امانة الوطن والشعب

ونحمله مسئوليه تكدير الشعب المصرى

مينفعش الناس اللى خاوتين دماغنا على الفايس بوك عشان الاضرابات

نتلم كلنا ونعمل حاجه مفيدة بروح فريق واحد ونوصل لنجاح كلنا سوى

ولا فالحين بس كل واحد يطلعلى بجروب لوحده

واللى عاوز يتظاهر سلميا قدام محطة مترو

واللى عاوز يروح يبات قدام مجلس الشعب

واللى عاوز يجمع مليون توقيع لاقالة الحكومه ويسلمها

للسفارة الامريكية .. يافرحة الست الوالده بيه يعنى

لو كنا فعلا بناخد على قفانا وبنتبهدل فده عقاب

لاننا مبنتحركش ولا بنعترض

وحتى لو اعترضنا بيبقى كل واحد عاوز يبقى هو البطل

للأسف ناس كتير بتحس انها معدش ليها مكان فى بلدها

ومع ذلك الناس دى هى اللى بتوقف مصر على رجليها

لان مع احترامى ولا وزير او مسئول أو رجل اعمال بيحس

بإيد فلاح شققت من ضرب الفاس فى الارض

ولا بعسكرى جيش مش فارقه معاه هو فى الصيف ولا فى الشتا

ولا بعامل مصنع مهمته ينتج وياخد مرتبه اللى مبيكفيهوش

ومع ذلك فين وفين على ماحد بيسأل فيه

ويوم ماتتصرف للناس دى علاوة الحاجه تغلى عليهم الضعف

للأسف للمرة التانية برغم ان الناس البسيطه دى هى مصر

والناس دى اللى علمتنى وعلمتك عشان نكون ضهرها فى الحياة

ونشوف ليها الدنيا بنظرة نور وتفتح .. بنقابل ده بسلبية

تجاه نفسنا وتجاه ناسنا وتجاه بلدنا

لو مره نقف مع نفسنا كلنا تحت هدف واحد ونقول لأ

لو نجمع بعض حتى لو بأفكارنا ونقول لأ

ونحاول نخلى الناس تسمعنا واحنا بنقول لأ

من غير مايكون فى بطل من غير ماحد يوجهنا او يحركنا

نعبر فعلا عن احساسنا واحساس ابويا وابوك وامى وامك

مش عن احساس كارنيه الحزب اللى انت شايله

ومش عوزين مشهد تانى فى فيلم يعبر عن مساوئنا بعمق و يقول

يبصوا على البلد اللى باظت ..

يبصوا على العمارات اللى كانت احسن من عمارات أوروبا

دلوقتى بقت مزابل من فوق ... ومن تحت مسخ

عاوزين نجمل صورتنا قدام نفسنا .. عاوزين نفوق ياشباب مصر

لأنها فى النهاية بلدنا

ThumbnailServer2?app=vss&contentid=7b8ec2ebaeedd44b&offsetms=35000&itag=w160&hl=en&sigh=OUo91bK8TqE_TZuEhVN5OCCbCSE عايزين نفوق با شباب مصر 3.gvt0

عايزين نفوق با شباب مصر ThumbnailServer2?app=vss&contentid=3c256cc400086b99&offsetms=70000&itag=w160&hl=en&sigh=H2xBK4QwXun1SJZUWkq8ZsK9TW0

powered by

Friends Web Sites

» حازم أمام: بعض الصحفيين عايزين يخلصوا على
» نيو لوك حق شعركم شباب
» بيجامات لأحلى شباب
» رساله الى شباب مصر قبل رحيلى
» يا شباب البسو الموضه