مابين الهم والضيقه تمرجح حالي من اسنين
نسيت الفرح والضحكه أحس إني أنا لحالـي
ظروف الوقت تلعب بي ابد ما غمضتلي عين
على همي سهرت الليل حزين ومنشغل بالي
أشوف الحزن شرع لي من أبواب العنا بابين
فقير الحظ من صغري يا ويلي زادت أحمالي
ثمان سنين بي غربة قبل لا ندخل الألفين
أضيع بداخلي كني غريب ٍ ينشد وصالي
ثمان سنين قد مرت وأنا ناطر على ال بعدين
جروح الماضي تسألني يا عمي زين شالتالي ؟
انا والحزن ألقاني كما عمله لها وجهين
وكل ما قلت أفرقنا أشوفه يتبع ظلالي
أحاول أضحك وأفرح وأقلبها من الصوبين
ولا تنفعني الحيله أشوف الهم يحلا لي
وأخمن إني عايشها وأبد ما فادني التخمين
أعيش بواقعٍ قاسي يحطم كل آمالي
متى تصفى لي أيامي وأعيش الضحكة لو يومين
ولو ساعة ولو لحظـه عشـان أكيـد عذالـي
متى اطرد همومي بس متى وشلون كيف و ويـن
متى بعانـق الفرحة متـى هالحـظ يصفا لى
موضوع: متى ها الحظ يصفا لى 
الخميس سبتمبر 06, 2007 9:58 am
