الحب العاشق

الله الرحمن الرحيم
اللهم صل على محمد وآل محمد
يوم الجمعة انا ومجموعة من اصحابي قررنا زيارة السعودية للترفيه وتغيير الجو (جو البحرين تعبان) , وهناك حدثت الحادثة ... تحديدا في مجمع الراشد !!!!

الكل يعرف طريقة مجمع الراشد وانتشار الشرطة والهيئة في كل اقسامه , وانتشار الشباب (المغازلجيه)المهم .... كنت انا واصحابي وقد انتهينا من التسوق تقريبا الساعة (11:00 مساءا) وقبل ما نغادر المجمع اوقفنا موضوع غريب جدا :

بنتين من بنات البحرين (لابسين ادفيف لكن من غير شيله) على ما اعتقد منتظرين اهلهم عند محلات السواني فاذا برجل من رجال الهيئة بلحيته وبشته و عصاه يذهب للبنتين ويصرخ بهما بصوت عال جمع اعداد كبيرة من الناس (ونحن منهم) .... لحد الان القصة عادية ولكن المهم هو الان ....

الهيئة : البسي الحجاب يا حرمة ....
البنت: انشاء الله .....
الهيئة : الان ....
البنت : بعد ما تمشي .....
الهيئة : قلت لكي الان ....
البنت : انا خليجية ولست سعودية (يعني اجنبية) وليس لديك الحق بارغامي على لبس الحجاب .... (وهذا هو قانون السعودية)

ويقوم رجل الهيئة بازاحة الشرطي الذي كان يعترض الطريق ويرفع البشت ويقوم برفس البنت (والله رفسها) وتقوم البنت الثاينة بالهرب جريا الى محل من المحلات , اما بنتنا اللي انرفست (ما ضيعت وقتها في الاصياح) قامت من على الكرسي ورفعت الدفة واعادت الرفسة للهيئة

وبعد ذلك قامت تقول كلام وبصراخ عال (و من ضمن الكلام) ....
البنت : انت يا السعودي يا ابن XXX , تضرب حرمة !!!
انت يا الوصخ يا الدنيء تلمس حرمة (وقامت اتعيدها) تلمس حرمة , واتسوي روحك امطوع وامربي لحية اشوف الجنة اللي راح تدخلها , اذا كنت تعتقد ان اخلاقك راح اتدخلك الجنة انا ابغي اشوف الجنة اللي راح تدخلها ....

وبعدين قامت اتقول: انتوا يا السعوديين اتجون ديراتنا وتشربون خمر واتعفسون الديرة و اتملونها اب قذارتكم واحنه ساكتين والحين جاي ترفسني !!!!

وكلام كثير من هل القبيل والكل يسمع (تخيلوا ينقال كل هل الكلام في السعودية جدام خلق الله) وفي هل الوقت ما انشوف الهيئة الا ((((( منحاااااااااش))))) شال عليه !!!!

اي نسيت اقول لكم ان الشرطي في كل هل الوقت كان مصدوم !!
وبعد ما انحاش الهيئة راح الشرطي للبنت وقالها لازم تشتكين عليه (تخيلوا) !!!!

وبعدين مجموعة من السعوديات يوقفوون مع البنت ويصرون ان اهي لازم تشتكي على الهيئة ....

ولكن لما وصلت عائلة البنتين بعد نهاية الهوشة!! (كل المجمع كان موجود الا اهلهم) قرروا انهم يطلعون من المجمع قبل لا اتزيد المشاكل ...

وما ادري اذا راح يفكرون يزورون السعودية مرة ثانية ولا لاء !!!!


قبل ما انهي الموضوع بغيت اعرف رايكم : هل فعلا هذه هي الطريقة للامر بالمعروف والنهي عن المنكر
منقولة من مجلة زهرة الخليج