ساره ومحمد && قصة عذاب &&الفصل الرابع&

مع بدايه فصل جديد .....بداية اخبار سعيده ....
اقبل عبدالله الى امه وهو يقول : مرحبا يمه عندي لكي خبر حلو .....
واتى صوت اخر من الغرفه : عسى اخبارك دووووم حلوة يا ولدي عبدالله.
تفاجأ عبدالله والتفت الى الصوت واذ هي الخالة ام محمد ولم ينتبه لها عندمه دخل .ذهب اليها وسلم عليها واعتذر عن عدم رؤيتها .
تتكلم ام عبدالله : هاه عبدالله بشر وش هي اخبارك الحلوة وبعدين وين نوره ماكانت معاك يوم رحتوااا؟
عبداله : وديتها عند اهلها تبي ترتاح شوي لانها حاااامل بشهرين .
ام عبدالله : مبرووووووووووك الف مبرووووووك يا وليدي .
ام محمد : الف مبروك يا عبدالله وعقبال ما تشوف عيال عيالك ان شاء الله .
عبدالله : الله يسلمك يا خالة وعقبال محمد ان شاء الله .
ام محمد تنظر الى ام عبدالله وتبتسم وتقول : على ايديك يا عبدالله .
عبدالله : ابشري يا خاله هو بس يختار وانا اروح معه وين ما يكون ؟؟
ام محمد : لا مو لازم تروح أي مكان اقعد في بيتك ..........محمد طالب يد اختك ساره !!!
عبدالله : والله !!!!!!! هذه الساعه المباركه ......بس غريبه ماقالي من قبل ؟؟؟
ام محمد : هو قالي والله بيكلمك ....بس انا قلت لا تستعجل خلني اروح ام عبدالله وبعدين اشوف رايها وبعدين هو يجيك عشان ما يحرجك اذا اهلك مو موافقييين .
عبدالله: معقوله ما يوافقون . محمد رجال ماشالله عليه واقرب لي من الاخو بعد .
ام محمد : يعني اقول مبرووووك لمحمد وساره .
عبدالله : قوليها وقوليها عشر بعد .
ام عبدالله : كلوووووووووووووش.
تأتي ساره وهي مستغربه من الزغاريد ساره : اقول وش السالفه ؟؟؟وش عندكم ؟؟هلا خالتي انتي هنا ؟؟؟
ام محمد : هلا سارونه ...كيفك حبيبتي ؟؟؟
ساره : الحمدالله خاله انتي كيفك وين مي ليه ما جت معك .
ام محمد: مي ما جت لان عندي موضوع خاص فيكي وابغى رايك ؟؟؟
ساره : هلا خاله امري ؟؟؟
ام محمد : اقولها يا ام عبدالله ؟؟
ام عبدالله : ايه قوليلها انتي مثل امها وبعدين عبدالله هنا لازم يسمع الرد بنفسه عشان ما يقول اني غصبت اخته .
ساره : اقول هييييييه ترى انا هنا تكلموووون بالالغاز وش السالفه ؟؟؟
ام محمد : السالفه ومافيها يا بنيتي ان ولدي محمد طلب يديك ...ويبيك عروسته ...وش رايك ؟؟؟؟
انصدمت ساره من المفاجأة ذات العيار الثقيل ...محمد اللي تحلم فيه كل ليله طلع يبيها ........ياربي وش اسوي الحين......... اهرب لازم اهرب ........
ام محمد : تعالي ابي اسمع رايك ولدي ما يخوف والله ههههههههههههه
ام عبدالله : هههههههههه ماعليكي هذا دلع بنات انا بروح لها اشوف رايها .
عبدالله : لا يمه انا ودي اروحلها احسن ؟؟؟
ام عبدالله : على راحتك يا وليدي الله يخليكم لبعض .
يذهب عبدالله الى غرفة ساره ...
عبدالله: ساره ممكن ادخل ....؟؟؟؟؟
ساره : هلا حياك .
عبدالله : يعني مستحيه ههههههه ماتوقعت اشوفك كذاههههههههه ياحليلك .
ساره : يوه عبدالله يا شينك .
عبدالله : طيب شكل الاخبار الحلوة تجي مع بعض ابشرك نوره حامل بشهرين.
ساره : والله الف مبروك يعني بصير عمه وناااسه .
عبدالله : الله يزيدن فرح بس اقول وش رايك كلام الخاله؟؟
ساره : أي كلااااااااااااااام ؟؟؟
عبدالله : اقوووووول بلا استعباط بلا ههههههههههههه والله وش رايك ؟؟؟
ساره : مدري عبدالله انت كيفك وانت اخبر به ؟ انا عن نفسي راي رايك .
عبدالله : الله يسلمك . شوفي محمد انا عارفه زين وعشرة عمر وصراحه انا من قلبي كنت اتمناه زوج لك لاني ماراح القى احسن منه عقل ودين وعلم . وانا اقول هذا الكلام بضمانتي . وش قلتي ؟؟؟
ساره : ((تهمس لقلبها : ادري والله يا زينه كامل والكامل وجهه اهه اهه )) احم امممممممم والله براحتك يا عبدالله اللي تشوفه .
عبدالله : اللي اشوفه ان مافي زواج خلاص.
ساره بدهشه : ليه ليه مافي زواج .؟؟؟؟؟؟؟؟
عبدالله : هههههههههههههههههههههههههههه يعني تبين الزواج هاه طلعت منك .
وتحمر خدا ساره وتنظر للاسفل وهي تعض شفتيها .
عبدالله : اقول بس لا تاكلي براطمك ههههههههههه مبروووووك تستاهلين يا ساره والله تستاهلين .
ساره باستحياء: يا سلام وهو بعد ما يستاهل ؟؟
عبدالله : ههههههههههههههههه الا اكييييد يستاهل وين يلقى مثاك بس الله يعينه على لسااااااانك .
يلا انا بروح ابلغ الوالدة وخالتي انك ما تبينه كيفهم عاد انا ماني بغاصبك .
ساره بعيون مدهوشه ........
عبدالله : خلاص خلاص يمه تبي تاكلني بعيوها ههههههههههههههه سمي سمي بقولهم انك موافقه ...اهب كل هذا تبين الفكه منا .
تبتسم ساره ويذهب عبدالله الى والدته وخالته ليبلغهم الخبر السعيد .
.............................. .............................. .............................. .......................
في بيت ام محمد كان ام محمد تجلس تتابع التلفاز عندما وصل محمد وهي لم تخبره كان تنتظر حضوره شخصيا لتبلغه الخبر السعيد .
محمد : مساء الخير يالغالية .....وينك ما تردين على تلفون البيت ؟؟؟
ام محمد : توني وصلت قبل شوي . ليه وش عندك ؟
محمد : معقوله يمه وش عندي اللي خبري خبرك هاه وش راي الجماعه ؟؟
ام محمد : يوووووووووه يا محمد اسمحلي نسيت اقولهم اخذتنا السوالف وجت جارتهم ونسيت يا وليدي ؟
محمد : يمه من صدق حراااااام عليكي انا انتظر على ناااااااار وانت نسيتي .
ام محمد : هههههههههههههههههههه ....اقول اصبر واثقل معقوله انا انسى طلب اغلى عياااالي .
محمد: ايه هاه بشري قولي ؟؟؟؟؟
ام محمد : وش رايك يعني انت ولدي احد يقدر يرفضك مستحيييل .
محمد : والله يمه وافقت ساره .
ام محمد : وافقت ساره وام ساره واخو ساره بعد.
محمد : حلو كلمتي عبدالله بعد ؟؟؟ احسن انتي رووعه . ويقبلها على راسها .
ام محمد : الله يخليك لي يا ولدي . الف الف الف مبرووووك . كلوووووووووووووش .
تأتي مي على صوت هذه الزغاريد .
مي : وش السالفه ؟؟؟ ليه ال كلووووووووووووووووش ..؟؟؟
ام محمد : محمد اخوكي بيتزوج باركيله ...
مي : مبرووووووووووووك ..اخيرا سويتها ما بغيت .........وناسه انا اخت المعرس ....الا صدق من هي المسكينه الحظ ؟؟اللي امها داعيه عليها لاني بصير اخت زوجها .؟؟؟
ام محمد : ساره بنت خالتك ام عبدالله ؟
مي: ايش ..ايش .. والله ...والله يمه ....يالخونه ...وانا مدري وش الطبخه ..وعامل اخوي يعني ولاهي يعني رفيقتي واعز صديقه اوريكم .
محمد : لا لاتسوين لها شي انا بكيفك بس هي لا .
مي : ماشالله طلع الحب من الحين ....الله يا دنيا سبحاااااااااان الله والله ما طرى على بالي ؟
محمد : طيب وش رايك باختيااااااااااار اخوكي؟
مي : تبي شهادة مني في ساره اكيييييييييييد مجروحه شهادتي . لان ساره فوق الوصف والخياااااااال .
محمد : يلا مي كلميني عنها انتي اعز صاحباتها يلا .
مي : وكم بتدفع ان شاءالله . ترى انا معلوماتي غالييييييييه .
محمد: اللي تبينه بس تعطيني كل شي بالتفصيل .
مي : طيب بس بروح استأذن منها . اخاف تزعل علي .
محمد : يووووووووه لا تقولي لهلا شي خلاص هونا مانبي أي معلومات .
مي : ههههههههه احسن........ اصلا انا ماكنت بقولك شي هههههههههه.
محمد : طيب يا مي انا بعرف كل شي بمصادري الخاصه ولا ليش اعرف .......مصيرها بتجيني واعرف كل شي بنفسي .
مي : طيب يلا باي بروح اتصل وابارك لها الدبه..
محمد : لو سمحتي احترمي زوجة المستقبل .
مي : هههههههههههههههه بدينا من الحين ...الله يعين .

تنتهي هذه الليله المفرحه ويخلد الجميع الى النوم . وفي غرفة ساره الورديه الصغيرة استقلت على سريرها تفكر بالحدث العظيم الذي حدث .
تهمس ساره لنفسها وتقول (( يا ربي معقول محمد يخطبني يعني كان يبيني او كان يفكر فيني وانا مدري ...سبحان الله . محمد من بين الناس يخطبني . يارب سعدني وياه وحط في قلبه مثل ماله في قلبي . ))
.............................. .............................. .............................. ......................
وفي الطرف الاخر محمد يفكر بما سيقدم عليه ويهمس لنفسه (( الله يا ساره اخير صرتي لي وتكوني زوجتي وحبيبتي . ماني مصدق اني بتزوجك . يا رب اسعدني وياها وحط في قلبها مثل مالها في قلبي . ))

كل منهما يناجي على ليلاه ولا يعرفان ان الحب بينهما كبير وان كل منهما يحب الاخر اكثر من نفسه ...ولكن هل سيستمر هذا الحب ...هل ستسير امور زواجهما على خير ....هذا ما سنراه بالفصل الخامس .
%%%%%%%%%%%%%%%%%%%%%%%%%%%%%% %%%

وانا انتظر الفصل الخامس على احر من الجمر

7ader 7abibti raw3a wmashkora 3ala moror

مشكور

» ساره ومحمد && قصة عذاب الفصل 19
» ساره ومحمد قصة عذاب الفصل 21.الاخيـــــــــــــــــــــر
» && ساره ومحمد && قصة عذاب الفصل الثاني
» ساره ومحمد && قصة عذاب الفصل الثالث&&
» ساره ومحمد && قصة عذاب الفصل الخامس