ساره ومحمد && قصة عذاب الفصل التاسع

&&الفصل التاسع%%

دخلت ساره الغرفة وهي مرتبكة واغلق محمد الباب .......
محمد : تو ما نور البيت يالغالية ...
ساره: منور باهله ...
محمد: مايحتاج افرجك على شي مثل ما تشوفين هذه غرفة الجلوس والباب اللي تشوفينه يوصل الى غرفة النوم والحمام . ترى كل شي ذوقي هنا .....وشوي من مساعدة الوالدة وومي ....ان شاء الله تعجبك ؟؟
ساره: أي حلوة ماشاءالله....
محمد: انتي الحلوة والله .
ارتبكت ساره زيادة وحمرت خدودها ....ياربي مو عارفة ايش تسوي في مثل هالمواقف ...
محمد: يا حلو الخجل لايق عليكي .
ساره: محمد عفية بس ..ما احب كذا ....
محمد: ما تحبين الكلام الحلو ... غريبة ....انا اعتقدت انك تسمعين الكلام الحلو طول عمرك ...
ساره: ايه اسمع كلام حلو حلو ....بس ....مو ....من ...يعني ....
محمد: مو من واحد شاب .
زادت حمرة خديها ....واستمرت بالنظر الى الاسفل .
محمد: يا حلوك يا ساره .....يا كثر حبي لك . تدرين ساره ..هذه احلى مكالمة صارت بيننا من الامس .
اقدر اسألك يا ساره .....الشخصية اللي حاولتي تمثلينها ليه ؟؟بسبب الخوف ولا ايش ؟؟
ساره : أي شخصية ؟؟
محمد: لما حاولتي تصيرين عصبية ودلوعه ومغرورة وما تظهرين الاهتمام فيني او الاحترام لي .
ساره: يمكن هذه شخصيتي الحقيقة ....شعرفك اني امثلها ؟؟؟
محمد: ساره انا قلبي حبك من اول ما شفتك بالمطعم بمناسبة تفوقك ....وانا واحد اثق بقلبي مررررة ولما قلبي قالي زين ما اخترت اذن قلبي صادق ولا يكذب ....ولما شفت تصرفاتك امس واليوم ...قالي لا تخاف هذا بس قناع ...عشان كذا بسألك ليه تلبسين هالقناع؟؟؟
ساره وهي تبتسم : الله كل هذا قاله قلبك لك ..ما شالله قلبك خبير ...ههههه
محمد: ايه هو قلبي يحب يثرثر مررة ... حاسب نفسه فيلسوف زمانه..هههههه
ساره : يا حليله ...هههههه
محمد: الله ما احلى ضحتك ...دوم هالضحكه يا رب .
ساره: والله مدري شقولك يا محمد ؟؟: المشكله اني اللي اشوفه الحين قدامي غير اللي انقال لي عنك ..وماني عارفة وش اصدق ؟؟قلبي ولا عقلي ..
محمد: شوفي ساره انا ماعرف وش انقالك عني ولا ابي اعرف ولا ابيك تفكرين فيه مرة ثانية .....بس اللي ابيه انك تتبعين قلبك واحساسه وعمر القلب ما يخون صاحبه ...يمكن انا اللي اخونك بس قلبك ما يخونك . وانا راح اسامحك لانك سمحتي لشوية كلام انقال لك انه يغير صورتي عندك ويشكك فيني ..بس ثقي تماما بقلبك وخلينا نبدأ صفحة جديدة بيضة مثل بياض قلبك وصفاء روحك.
ساره: ماشالله كلامك حلو ...مايصدق احد ان هذا الكلام طالع من ضابط تعود على القسوة في المعاملة والانضباط و التزمت .
محمد: بالعكس الواحد لما يحب يا ساره بغض النظر عن مهنته يطلع منه كلام يعكس مشاعره اللي يحس فيها تجاه الانسان اللي يحبه .
ساره: وانت تحبني يا محمد؟؟
محمد يبتسم ويرد بخبث: ومستعد اثبت لك يا ساره يا بعد عمري.
واسدل الليل ستاره غطاء لاهل الحب والغرام لساره ومحمد بعد ان قلبوا تلك الصفحة السوداء التي دمرتها قلوب شريرة وحاقده واجتمع قلبهما بالهوى وقضوا ليله من ليالي الف ليلة وليلة ......
.............................. .............................. .............................. .............................. ..........
في الصباح الباكر تزقزق العصافير وتهب النسمات البارده التي يحملها شهر نوفمبر ..... ويستيقظ العروسان
محمد وهو يتأمل وجه ساره ...وهي تلتفت برأسها قليلا وتهزه وتفاجأ بالعيون التي تنظر اليها ...
ساره: سمالله ...انت صحيت من النوم ...
محمد: صباح الخير يا احلى وجه ..لا والله للحين نايم وقاعد احلم واشوف قدامي وجه اجمل حورية خلقها ربي وكأنها تسألني تقولي متى صحيت ؟؟
ساره : هههههه ياخفة دمك على هالصبح ...
محمد: وانتي يا حلو وجهك على هالصبح .
ساره : اقول لا تبالغ ...شكلي الحين اكيد يخوف ..وكشتي منكوشه ...هههه
محمد: انتي من صدقك تتكلمي ....الشعر الحرير هذا مستحيل يصير كشه ...والعيون العسلية الناعسه هذه مو طبيعيه ...دماااار ...لا تناظريني كذا الله يخليك ..ما ابغى اموت توني شاب .
ساره : سمالله عليك من الموت ...عدوينك ان شاء الله .
محمد: يا هووووووه تحبني بعد يا ناس ....انا شكلي للحين احلم ...
ساره: طيب بقرصك عشان تعرف انت للحين تحلم ولا لا .....
وتقرصه على خده ويمسك بيدها الناعمة ويقبلها ...
محمد: الله يخليكي لي يا ساره ولا يحرمني منك ابدا يا رب .
ساره: امين
محمد يقلب يد ساره بين يديه ويقول ...
محمد: اقول ساره ....مو كأن ايدي عند ايديك حليب بالشكولا ....هههههههههه
ساره: هههههههههههه أي والله وانت صادق فلم ابيض واسود ...ههههه
يخرج الاثنان من غرفتهما وينزلان الى تحت عند ام محمد ومي ....
محمد: صباح الخير
مي وام محمد: هلا والله صباح النور .
ساره: صباح الخير كيفك خاله ...وتقبلها على رأسها
ام محمد: بخير يمال الخير يا بنيتي ...انتي كيفك ؟؟
ساره: بخير يا خالة ..مي كيفك ؟؟
مي : الحمدالله تمام امنتي كيفك يا زوجة اخوي ...اتعود على لقبك الجديد ....ههههه
ساره: هههههه الحمدالله يا اخت زوجي ....هههههه
ام محمد: يلا تفضلوا الفطور جاهز ...حياكم الله ...اشوى منتوا من الناس اللي تنام متأخر . ماشالله عليكم .
محمد: افا عليكي يالغالية ...احنا نعجبك .
ام محمد: الله يخليكم لبعض يا رب . ويخليكم لي ..
محمد: الا اقول مشعل وينه يمه ؟؟
ام محمد: اهه يا مشعل وش اقولك جاء اليوم الصبح بدري واخذ شنطة ملابسه وقال تراني مسافر لا تحاتوني برجع بعد اسبوع ...قلتله وين ؟؟ قال مدري يمكن مصر او سوريا بعدين ارد عليكم ..وراح .
محمد: الله يهديه ان شاء الله .
ام محمد: امين يا رب .
يفطرون سويا ويدردشون مع بعض ...ويتفرجون على التلفاز ..وتندمج ساره معهم ...وكانهم اهلها تماما ..هم كذلك لم يحسوا انها غريبة عنهم ابدا ...بل كأنها عاشت معهم منذ سنين ...
.............................. .............................. .............................. .............................. ..............
في بيت ام عبدالله ....تجلس ام عبدالله وحيدة وذلك بعد ان خرجت نوره الى اهلها ..وعبدالله ذهب الخارج ..
جلست تفكر ...كم ان ساره كان لها وزن ثقيل هنا بالبيت ..والان يبدو فارغا تماما ...ذهبت الى غرفتها ...ونظرت الى باقي اغراضها .... وفجأة سالت الدمعه من عينيها ...فهي لم تنجب غير ساره من البنات ...وضحت بعمرها وشبابها كله من اجل تربيتها هي واخيها .....وقررت ان تزور بيت اختها ام محمد...
.............................. .............................. .............................. .............................. .....
ام محمد: هلا والله حيالله من جانا ...هلا بام عبدالله ....
ام عبدالله : هلا فيكي يا اختي ...الله سلمك
ام محمد: لو كنا ندري انك بتزورينا كان زوجنا محمد وساره من زمااااان .
ام عبدالله : ههههههههههه....والله شسوي فضى البيت علي قلت اجي هنا اوسع صدري عندكم شوي ...
ام محمد: الله لا يضيق صدرك وحياك الله كل وقت يالغالية .
ام محمد: مي روحي نادي ساره ومحمد ..قوليلهم خالتك هنا .
مي : هلا والله خالة ...كيفك ...ان شاء الله الحين بناديهم .
تأتي ساره هي ملهوفه لرؤية امها ...ويتبعها محمد...
ساره: هلا يمه ..هلا والله ...هلا فيكي .
ام عبدالله : هلا بنيتي ...هلا سارونة ....كيفك يا عمري .
ساره : الحمدالله .تمام يمه ..انتي كيفك وكيف عبدالله و نوره ..
ام عبدالله : انا الحمدالله تمام ان شاء الله ..وعبدالله بخير ..ونوره والله تعبت شوي وراحت عند اهلها ترتاح شوي الله يعينها الحمل صار ثقيل عليها ...
ساره: أي والله الله يعينها ....
محمد: مرحبا خالة ...كيفك ..ولا الظاهر نسيتيني من شفتي بنتك يعني ...
ام عبدالله : سامحني يا وليدي ولا تلومني بساره هي اغلى عندي من ماء عيوني ...
ساره: الله يخليكي لي يا رب .
مي : يلا بلا هالمسلسل الدرامي وتفضلوا الشاهي وصل ....
ويقضون معا امسية جميله جدا تخللها بعض الضكات والمزح ...ويذهب محمد ويستأذن منهم ليذهب الى اصدقائه ...
محمد: اقول يلا تامروني شي ....بروح الربع ..
ام محمد: سلامتك يا ولدي حافظك الله .
محمد: ساره تبين شي .....؟؟
ساره : لا سلامتك ..بس لا تطول ...
محمد: هاه اشوفك يوم جت امك قعدتي تتشرطين ....لا تطول ياعيني ...وقبل ما تفتحين فمك حتى ...هههههه
ساره : محمد ..بس ...استحي شوي .........وتحمر خداها
محمد: ان شاء الله ولا يهمك ..ما بتأخر .....يمكن حتى اطلع من الباب وارجع ..ماقدر على زعلك يالغاليه ..
مي: يا عيني يا عيني ...الله الله على الغزل عيني عينك..اقول لو سمحتوا في مراهقات هنا احترموا نفسكم .
ينفجر الجميع في ضحك ......ويغادر محمد والابتسامة على وجهه ..
بعد ذلك تغادر ام عبدالله الى بيتها حتى لا تتأخر على عبدالله.
ساره : وين يمه اقعدي شوي...؟؟
ام عبدالله : لا يا حبيبتي ..يمكن نوره ترجع وعبدالله ما احب اتركهم لحالهم ..مرة ثانية ان شاء الله .
يلا مع السلامة .
ام محمد: هلا مع السلامة وحياكي الله .
مي : مع السلامة خاله ..
ساره : مع السلامه يمه وسلمي على عبدالله ونوره .
ام عبدالله : يبلغ ان شاء الله ..وديري بالك على روحك وعلى اهلك هنا .
ساره : ان شاء الله يمه هم بعيوني .
تذهب ام عبدالله .....وتذهب ام محمد الى غرفتها ..وتبقى مي مع ساره ويذهبان الى غرفة ساره لتدردشان مع بعض وتشاهدان التلفاز .......
.............................. .............................. .............................. .............................. .............
البقية مع الفصل العاشر .
%%%%%%%%%%%%%%%%%%%%%%%%%%%%%%